Се одбележаа девет години од трагичната смрт на нашиот сограѓанин Тоше Проески, кој прерано го заврши својот живот во сообраќајна несреќа кај Нова Градишка, Хрватска.
Градоначалникот на Општина Крушево, Ѓорги Дамчески со претставници од локалната самоуправа и добронамерници, на месноста Гумење ги пречекаа учесниците на ултра маратонот за Тоше Проески. Тие во петокот се поклонија пред споменикот на Тоше Проески во Нова Градишка и го започнаа својот ултра маратон до Крушево.
Сите заедно, потоа се упатија кон вечното почивалиште на Тоше Проески каде оддадоа почит на загинатата музичка ѕвезда.