Претставници од Советот на општина Крушево во кабинетот на градоначалникот одржаа средба со претставници на Мисијата на ОБСЕ во Скопје разговарајќи за идна меѓусебна соработка, а советниците добија дипломи за завршена обука за општински совети.
На денешната средба во Крушево покрај претставници на Мисијата на ОБСЕ беа присутни претседавачот со советот на општина Крушево Тома Петроски и координаторите на трите советнички групи Евгенија Петроска (СДСМ), Киро Сотироски (ВМРО ДПМНЕ) и Еран Алити (ДУИ).
